Өзбекстанда өтүп жаткан «Бирлик – 2025» эл аралык аскердик машыгуусунун алкагында кыргыз армиясынын жигиттери аталган шаардын чок ортосунда кара жорго бийин бийлешти. Бул тууралуу Коргоо министрлигинин басма сөз кызматы 7-каналга билдирди.
“Кыргыз Республикасынын Коргоо министрлигинин Түштүк-Батыш оперативдик колбашчылыгына караган 12545 аскер бөлүгүнүн өздүк курамы Өзбекстандын Самарканд облусунун Каттакурган окуу борборунда өтүп жаткан «Бирлик – 2025» эл аралык аскердик машыгуусуна катышып жатат.
Эл аралык аскердик машыгуу 12-октябрдан 21-октябрга чейин уланат. Машыгууларга – Азербайжан, Казакстан, Кыргызстан, Тажикстан жана Өзбекстандын аскер бөлүктөрү катышып жатат.
Учурдагы машыгуу Өзбекстандын Коргоо министрлиги тарабынан уюштурулган эң ири жана маанилүү эл аралык аскердик иш-чаралардын бири болуп саналат. Анын негизги максаты – өлкөлөр ортосундагы ишенимди бекемдөө, аскердик кызматташтыкты өнүктүрүү, жана аймактагы коопсуздук коркунучтарына биргелешип каршы туруу», — делет маалыматта.
Посмотреть эту публикацию в Instagram
