Бахрейн Падышалыгынын Манама шаарында өтүп жаткан III өспүрүмдөр Азия оюндарынын алкагында кыргыз балбан кыздары Акылай Чыныбаева менен Асема Төрөгелдиева кыз-келиндер арасындагы күрөш боюнча таймашта коло медалга ээ болушту. Бул тууралуу Дене тарбия жана спорт мамлекеттик агенттиги билдирет.
Маалым болгондой, Чыныбаева 61, Төрөгелдиева 53 кг салмак категориясында күч сынашты.
Белгилей кетсек, күрөш боюнча мелдештер Манама шаарындагы Exhibition World Bahrain (EWB) конгресс-көргөзмө борборунда өтүп жатат.
