Кыргыз Эл артисти, актёр Марат Алышпаевдин сөөгү «Ала-Арча» көрүстөнүнө коюлат. Бул тууралуу Маданият министрлигинен билдиришти.
Маалыматка караганда, акыркы сапарга узатуу зыйнаты эртең, 5-апрелде саат 12:00дө театрда өтө турган болду.
Буга чейин актёрду акыркы сапарга узатуу зыйнаты бүгүн өтөрү, сөөгү туулган айылына коюлары маалымдалган болчу.
Ал 1947-жылы 17-декабрда Ысык-Көл облусунун Жети-Өгүз районуна караштуу Саруу айылында туулган. 1972-жылы А.В. Луначарский атындагы Москва театр искусство институтун аяктаган.
