Бүгүн 11-апрелден баштап Казакстандын чек арасындагы жүргүнчүлөр үчүн коюлган чектөөлөр алынды. Бул тууралуу УКМКнын Чек ара кызматынан билдирди.
Маалыматка ылайык, Кыргызстандын жарандары мамлекеттик чек араны «Ак-Жол-авто жол» өткөрүү жайы аркылуу эч кандай тоскоолдуксуз өтө баштады.
Кыргызстандын жарандары кыргыз-казак чек арасын «Чалдыбар-авто жол», «Ак-Жол-авто жол», «Кең-Булун-авто жол» жана «Токмок-авто жол» өткөрүү жайлары аркылуу өтө алышат. Чек арадан бош унаалар «Кең-Булун-авто жол» өткөрүү жайы аркылуу өтө алышат.
Белгилей кетсек, чек арадан өтүүгө Кыргызстандын жана чет мамлекеттердин жарандарында акыркы 72 сааттын ичинде өткөн ПЦР тестинин сертификаты же 6 айдан ашпаган мөөнөткө эмдөө күбөлүгү болушу керек.
