Акын, Кыргыз Республикасынын мамлекеттик Гимнин авторунун бири, Шабданбек Кулуев 78 жашында дүйнөдөн кайтты . Бул тууралуу, анын жакындары тастыктады.
Шабданбек Кулуев Жумгал районунун Чаек айылында 1942-жылы 1-январда туулган.
1966-жылы Кыргыз мамлекеттик университетинин механика-математика факультетин аяктаган.Эмгек жолун 1963-жылы. Суусамыр өрөөнүндөгү 8-март, Каракол башталгыч мектептеринде мугалим болуп иштөөдөн баштаган.
- 1969–1990—жж. Жумгал районунун Жумгал, М.В.Фрунзе атындагы орто мектептерде тарбиялык иштер боюнча директордун орун басары, директор, 1990–2006-жж. Жайыл районунун Түркмөн атындагы орто мектебинде математика мугалими болуп иштеген. Республикалык “Кыргыз туусу” гезитинин штаттан тышкаркы кабарчысы.
- 1987-жылы “Эмгек ардагери” медалы, 1993-жылы “Кыргыз Республикасынын эл агартуусунун отличниги” төш белгиси берилген. Ал Кыргыз Республикасынын Мамлекеттик гимнинин авторлорунун бири болуп, 1994-жылы “Кыргыз Республикасынын маданиятына эмгек сиңирген ишмер” наамы берилген.
- 2002-жылы Кыргыз Республикасынын Ардак грамотасын алган. “Жайыл районунун Ардактуу атуулу”.
- 2003-жылы “Кыргыз Республикасынын алдында өзгөчө эмгеги үчүн” пенсиясы ыйгарылган жана Кыргыз Республикасынын Чүй облусунун “Кеменгер” төш белгисинин ээси.1991-жылдан Кыргыз Республикасынын Жазуучулар союзунун мүчөсү.
- 2011-жылдан «Кыргыз Республикасынын эл мугалими» ардактуу наамына ээ болгон.
«7-каналдын» жалпы жамааты Шабданбек Кулуевдин жакындарына терең кайгыруу менен көңүл айтабыз.