Кечээ, 5-апрелде мамлекеттик чек аранын кыргыз-өзбек тилкесинде курал колдонуу менен чыр-чатак орун алып, 2 Кыргыз жараны көз жумган. УКМКнын Чек ара кызматы маалымат таратып, каза болгондордун сөөгү саат 23:46да «Маданият-автожол» өткөрүү жайы аркылуу өткөрүп берилгенин маалымдады.
«Аксы районунун Дейрес айылында Кыргызстандын жарандары менен Өзбекстан Республикасынын Мамлекеттик коопсуздук кызматынын чек арачыларынын ортосунда орун алган чыр-чатактын натыйжасында УКМКнын Чек ара кызматы аткезчилик жүктөрдү ташууга катышкан жарандары издөө боюнча комплекстүү иш-чараларды жүргүзүп жатат»,- дешти алар.
Чыр-чатактын кесепетинен каза болгон Кыргызстандын төмөндөгү жарандары экендигин билдирет:
-О.Б.Т. 1984-жылы туулган, Аксы районунун Дейрес айылынын тургуну;
-О.С.Т. 1991-жылы туулган, Аксы районунун Дейрес айылынын тургуну.
