7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Февраль 2024
Пн Вт Ср Чт Пт Сб Вс
 1234
567891011
12131415161718
19202122232425
26272829  
  • social_icon
  • social_icon
  • social_icon
  • social_icon

Чек арадан 103 миң долларды алып чыгууга аракет кылган жаран кармалды

243

Кыргызстандык жаран 103 миң 200 АКШ долларын өлкөдөн мыйзамсыз алып чыгууга аракет кылган. Бул тууралуу Чек ара кызматынан кабарлашты.

Маалыматка караганда, “Достук-автожол” өткөрүү жайына 37 жаштагы К.А. аттуу Кыргызстандын жараны келген. Чек ара көзөмөлүнөн өтүү учурунда ал жарандын жанынан чет элдик валютадагы акча табылган. Табылган акчанын жалпы суммасы 103 миң 200 АКШ долларын (9 млн 217 миң 276 сом) түзгөн.

Жогоруда аталган жаран валютаны бажы мыйзамын кайгып өтүп, акча каражаттарын декларациядан өткөрбөй туруп алып өтүүгө аракет кылган. Тиешелүү документтер толтурулган соң кармалган жаран жана акча каражаттар андан аркы териштирүү иштери үчүн компетенттүү органдарынын кызматкерлерине өткөрүлүп берилген.

Эскерте кетсек, Кыргызстандан чет элдик валютаны накталай алып чыгууга убактылуу тыюу салынган:

— резидент эместерге жана чет өлкөлүк жарандарга 5 миңден көп накталай АКШ доллары суммасында;
— КР жарандарына жана резиденттерине 10 миңден көп накталай АКШ доллары суммасында.

КР жарандары жана резиденттери 10 миңден көп АКШ доллары суммасында накталай АКШ долларын алып чыккан учурда, белгиленген лимиттен ашкан сумманын 10% өлчөмүндө төлөм алынат.

 

 

244