Кыргызстан менен Франция түз авиакаттам ачуу маселесин талкуулашты.
Маалым болгондой, аталган маселе «Кыргызстандын аэропортторунун» жетекчиси Манасбек Самидинов Кыргыз Республикасындагы Франциянын элчиси Николя Фай менен жолугушуу учурунда талкууланган.
Сүйлөшүүлөрдүн жүрүшүндө тараптар француз авиакомпаниялары тарабынан Франция менен Кыргызстандын ортосунда түз авиакаттамын ачуу мүмкүнчүлүгүн карап чыгышты.
«Талкуу жарандык авиация жана туризм тармагындагы эки тараптуу кызматташууну өнүктүрүүнүн келечегине, транспорттук жеткиликтүүлүктү кеңейтүүгө, ошондой эле эки өлкөнүн ортосундагы ишкердик жана гуманитардык байланыштарды бекемдөөгө багытталды.
«Кыргызстандын аэропорттору» ААК эл аралык каттамдардын маршруттук тармагын кеңейтүүгө кызыкдар экенин билдирип, бул багытта француз өнөктөштөрү менен биргеликте практикалык иш алып барууга даяр экенин ырастады», — делет маалыматта.
