Кыргызстандын министрлер кабинети менен Түркиянын «Ихлас Холдинг» энергетикалык компаниясы жалпы суммасы 10 млрд долларды түзгөн 2 ГЭС куруу боюнча жыйынтыктоочу келишимдерге кол коюшту.
Документтерге Кыргызстандын энергетика министри Таалайбек Ибраев менен «Ихлас Холдингдин» стратегиялык туунду компаниясы — Orta Asya инвестициялык холдингинин төрагасы Ахмет Мүжахид Өрен кол коюшту.
Макулдашуулар эки ГЭСти — кубаттуулугу 912 МВт болгон Казарман ГЭСин жана 1305 МВт Көкөмерен ГЭСин курууну камтыйт.
Белгиленгендей, Казарман жана Көкөмерен ГЭСтери ички рыноктун өндүрүш булагы гана болбостон, Кытай, Казакстан, Өзбекстан жана Пакистанды байланыштырган энергетикалык коридорлордун негизги элементтери болмокчу.
