Кыргызстан 9 социалдык мааниге ээ азык-түлүктүн 6 түрү менен өзүн-өзү камсыздайт. Бул тууралуу Айыл чарба министрлиги билдирет.
Алар: картошка, сүт, эт, жашылча, жумуртка, кумшекер.
Ал эми нан азыктар (дан азыктары), өсүмдүк майы, мөмө-жемиштер импорттун эсебинен камсыздалат.
«2024-жылдан тарта кумшекер менен өзүбүздү өзүбүз камсыздай баштадык. Эт боюнча Кыргызстан өзүн уй эти, кой эти менен 100% ашыгыраак камсыздайт. Тоок эти боюнча толук кандуу камсыздоо иштери жигердүү жүрүп жатат.
Ошондой эле Кыргызстан тоок жумурткасы менен өзүн-өзү камсыздап, экспортко чыгарууга жетишкен», — делет маалыматта.
