Кыргызстанда 7-8-ноябрь күндөрү иш күнү 1 саатка кыскартылат. Бул тууралуу Эмгек, социалдык камсыздоо жана миграция министрлигинен билдиришти.
«Эмгек кодексинин 66-беренесине ылайык, 7 жана 8-ноябрь — Тарых жана ата-бабаларды эскерүү күндөрү — мамлекеттик майрам күндөрү болуп саналат.
Ошол эле учурда, эмгек мыйзамдарынын жоболоруна ылайык, бул күндөр иш күндөрү болуп эсептелип, иш күнү бир саатка кыскартылат», — делет маалыматта.
Белгилей кетсек, 8-ноябрь 6 күндүк иш жүмалыгы менен иштегендер үчүн иш күнү болуп саналат.
