Кыргызстанда батирди ижарага бергендер атайын салык төлөөгө милдеттүү. Бул тууралуу Салык кызматынын атайын салык режимин көзөмөлдөө бөлүмүнүн башчысы Исак Бекиев “Кабар” маалымат агенттигине берген маегинде билдирди.
Анын айтымында, батирди ижарага берүүчүлөр салык төлөш үчүн алгач салыктык каттоого турушу керек.
Каттоодон өткөн соң, жеке кабинети үчүн логин жана сырсөз (пароль) алат. Жеке кабинет аркылуу ар ай сайын патентин онлайн узартып турууга мүмкүнчүлүк бар.
Салыктын баалары аймактарга жараша айырмаланат. Алсак, Бишкек шаарында батирлерди ижарага берүү боюнча патенттин чени 1 чарчы метрине 30 сомду түзөт. Ал эми жеке турак жайлардын 1 чарчы метрине 40 сом.
