Кыргызстанда 30-марттан 3-апрелге чейин жыл сайын өтүүчү финансылык сабаттуулук боюнча “Глобалдык акча жумалыгы — 2026” кампаниясы өтөт. Бул тууралуу Улуттук банк билдирди.
Иш-чаранын максаты — элдин финансылык сабаттуулугун жогорулатуу.
Кампаниянын алкагында чыгымдарды туура башкаруу, инвестициянын негиздери, алдамчылыктан сактануу жана финансылык маалыматты туура табуу боюнча түшүндүрүү иштери жүргүзүлөт.
Иш-чаралар өлкөнүн бардык аймактарын камтыйт: сабактар, лекциялар, семинарлар, банктарга экскурсиялар, оюндар жана сынактар уюштурулат.
Бул кампания дүйнө жүзүндө 170тен ашык өлкөдө өткөрүлүп келет, Кыргызстанда болсо 2015-жылдан бери өтүп жатат.
