Министрлер кабинетинин төрагасынын орун басары Эдил Байсалов мугалим болгусу келген бардык каалоочуларга мүмкүнчүлүк бере турган программа жакында ишке кирерин билдирди.
Анда жуналисттер жана башка мугалим болууга жөндөмдүү адамдар мугалимдик кесипти кайра даярдоо мүмкүнчүлүгүн карап, программага катыша алат. Эки жума аралыгында кайра даярдоодон өтүп, мугалимдик кесиптин сертификаттарын алып, мектептерде сабак бере алышат.
Байсалов ошондой эле август айынын башына чейин мугалимдерге 57 миңге жакын ноутбук таратылып, айлыктары дагы көтөрүлөрүн кошумчалады. Бул технологиянын жардамы менен мугалимдер күн сайын өз чеберчилигин жогорулатып, жаңы нерселерди үйрөнүшөт. Ошол эле учурда алар отчеттуулуктун дээрлик бардык түрлөрүнөн бошотулат.
