Бийлик 2026-жылдын аягына чейин Кыргызстанда насвайга тыюу салып, алкоголдук ичимдиктер менен тамекинин сатылышын чектөөнү пландап жатат.
Ошондой эле, 2040-жылга чейинки демографиялык саясаттын концепциясынын алкагында өлкөдө тамеки жана алкоголдук продукцияларга карата талаптарды күчөтүү сунушталууда.
Документке ылайык:
▪️ насвайга толук тыюу салуу;
▪️ тамеки жана алкоголдук ичимдиктерди сатып алуу жашын 20-21 жашка чейин көтөрүү;
▪️ түнкү убакта жана интернет аркылуу сатууга чектөө киргизүү каралууда.
Мындан тышкары, тамеки жана алкоголдук продукцияларга акциздик салыктарды көбөйтүү маселеси дагы талкууланууда.
Концепцияда Кыргызстандагы өлүмдөрдүн 70 пайызга жакыны жугуштуу эмес оорулардан экени белгиленип, калкты сергек жашоо образына үндөө негизги багыттардын бири катары көрсөтүлгөн.
