24-январь күнү саат 01:11де Кытай Эл Республикасынын аймагында очогунда күчү 2,5 баллга жеткен жер титирөө катталды. Бул тууралуу ӨКМден билдиришти.
Ал эми Ысык-Көл облусунун Жети-Өгүз районунун Ыштык айылында 2,5, Тоң районунун Кажы-Сай айылында 2,5 баллга (Ыштык айылынан 38 чакырым түштүк чыгышта, Кажы-Сай айылынан 147 чакырым түштүк чыгышта) чейин сезилген.
Ошондой эле жер титирөө Кытай Эл Республикасында саат 02:38де кайталанып, күчү 6,5 баллга жеткен. Кыргызстандын Ысык-Көл облусунун Жети-Өгүз районунун Ыштык, Кара-Сай, Бедел, Ак-Шыйрак айылдарында 3 баллга чейин сезилген.
Алдын ала маалымат боюнча жер титирөөдөн жабыркагандар жана кыйроолор катталган жок. Учурда республиканын жер титирөө катталган аймактарында ӨКМдин кызматкерлери жарандык коргонуу комиссиясы менен биргеликте тактоо иштерин жүргүзүүдө.
