Кыргызстанда унаа менен тирүү карышкырды тебелеткен жаран изделүүдө. Бул тууралуу Instagram баракчасына «Бугу-Эне» коомдук фондунун жетекчиси Салтанат Сеитова жарыялады.
“Достор, бул ырайымсыздын жүзүн баары билиши үчүн таратып коюңуздар. Карышкырды жөн эле атып өлтүрбөстөн, жан-жаныбарларга аёосуз мамиле кылып кыйнаган мындай адамдарды эмне деп атоого болот. Бул жасаган кылыгынан соң ага кандай баа берилет? Албетте, адамдык сапатка жатпайт!» — деп жазган ал.
Алдын ала маалыматтарга ылайык, видео Кыргызстанда тартылган. Кадрда белгисиз бирөө карышкырды жаралап, андан соң унаа менен тебелеткен.
Белгилей кетсек, видео @kypchakulanchyngyshov аттуу колдонуучунун профилине жарыяланган. Анын бул ырайымсыздыкка катыштыгы бар-жогу белгисиз. Автор жарыяланган сүрөттөрүнө караганда, ал Кыргызстанда жашайт. Учурда ал видеону аккаунтунан өчүрүп салган. Ал эми видеону «7- канал. Жаңылыктар…» телеграм-каналынан көрсөңүздөр болот.
