7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Апрель 2024
Пн Вт Ср Чт Пт Сб Вс
1234567
891011121314
15161718192021
22232425262728
2930  
  • social_icon
  • social_icon
  • social_icon
  • social_icon

Кыргызстандан кытайга каттоочу жаңы жол салынат

179

Министрлер кабинетинин төрагасы Акылбек Жапаров Кытайга жасаган иш сапарынын алкагында, Кашкар шаарында ККПнын Борбордук Комитетинин Саясий бюросунун мүчөсү, КЭР СУАР Партиялык комитетинин катчысы Ма Синжуй менен жолугушту.

Жолугушууда Жапаров Кыргызстан-Кытай кызматташтыгынын күн тартибиндеги маселелери боюнча «сааттарды синхрондоштурууга» мүмкүнчүлүк түзүлгөнүн, Кыргызстан менен Кытай Эл Республикасы ар бир маселе боюнча ар дайым бири бирин колдоого алып жатканын канааттануу менен белгиледи.
Ошондой эле Эркечтам жана Торугарт көзөмөл өткөрүү пунктарынын өткөрүү жөндөмдүүлүгүн жогорулатуу боюнча Кыргызстандын көрүп жаткан аракеттерине токтолгон Акылбек Жапаров, учурда 7 күн 14 сааттан иштеп жаткан көзөмөл өткөрүү пунктарынын ишин, Кытай Республикасы менен биргеликте, күнү түнү башкача айтканда 24/7 режимине өткөрүүнү максат кылып жатканын билдирди.

Эркечтам көзөмөл-өткөрүү пунктуна көмүр базасы менен ленталуу конвейерди куруу үчүн жер бөлүнгөнүн айтып, андан ары Бедел жаңы өткөрмө пункттун ачуу жана «Барскоон-Учтурфан-Аксу» жолунун курулушу боюнча кеп козгоду.

«Биздин мамлекеттердин башчылары “Бедел” жаңы өткөрмө пунктун ачуу жана жолду 2024-жылы ишке киргизүү боюнча чоң милдеттерди коюшту. Албетте, “Бедел” эки өлкө ортосундагы достуктун жаңы этабын ачып, Кытайдан Борбор Азия жана андан тышкары өлкөлөргө жүк ташуулардын көбөйүшүнө чоң салым кошору шексиз», — деди өкмөт башчы.

Өз кезегинде КЭР СУАР Партиялык комитетинин катчысы Ма Синжуй Акылбек Жапаровдун жумушчу сапар менен Кашкар шаарына келгенине ыраазычылык билдирип, эки өлкөнүн лидерлери тарабынан жетишилген макулдашууларга маани берээрин жана Минкаб башчысынын сунуштарын колдоорун билдирди.

«Бир алкак бир жол» демилгесин ишке ашырууда Синьцзян аймагы чоң роль ойнойт. Анткени биз Кыргызстан менен чектешебиз. Ошондуктан сиздин сапарыңыз өтө актуалдуу мааниге ээ»-деди Ма Синжуй

Мындан тышкары тараптар жолугушууда Энергетика, жер казынасын пайдалануу, айыл чарба продукциясын экспорттоо электрондук соода жана бондалык зоналар туурасында маселелерди кенен талкуулашты.

Жолугушуунун сонунда Акылбек Жапаров, Ош-Кашгар-Ош авиа каттамын ачуу сунушун киргизип, КЭР СУАР Партиялык комитетинин катчысы Ма Синжуй менен СУАР элдик өкмөтүнүн башчысы Эркин Туниязды иш сапар менен Кыргызстанга келип кетүүгө чакырды.

180