Кыргызстандын аэропортторунда жакын арада Burger King, Costa Coffee жана башка эл аралык бренддер ачылат. Бул тууралуу «Манас» эл аралык аэропорту билдирди.
Бул долбоор BTA Group жана Helios Duty Free менен кызматташуунун алкагында ишке ашууда.
BTA Group — Food & Beverage сегментинде дүйнөлүк деңгээлде таанылган лидерлердин бири. Компания 17 өлкөдө иш алып барып, 19 аэропортто кызмат көрсөтөт. Ал жүргүнчүлөргө эл аралык стандарттарга жооп берген жогорку сапаттагы тейлөөнү камсыздайт.
Пландарга ылайык, жаңы ресторандар жүргүнчүлөр үчүн тейлөөнү жакшыртып, аэропорттордогу кызмат көрсөтүүнүн деңгээлин жогорулатат. Мындан тышкары, мындай франшизаларды Ош, Тамчы жана Каракол аэропортторунда да ачуу каралууда.
