Министрлер кабинетинин төрагасы Адылбек Касымалиев Япония өкмөтүнүн JDS Japan Development Scholarship долбоорунун стипендиаттары, Японияга окууга жөнөп жаткан Кыргызстандын мамлекеттик жана муниципалдык кызматкерлерин кабыл алды.
Анда төрага Япониянын Кыргызстандагы элчилигине, Япониянын эл аралык кызматташтык агенттигине жана Япон эл аралык кызматташтык борборунун өкүлдөрүнө ыраазычылык билдирип, эки элдин ортосундагы мамиле дагы да бекемделип жатканын, ошондой эле кызматташтык багыттарынын ичинен JDS долбоору өзгөчө мааниге ээ экенин билдирди.
Белгилүү болгондой быйыл, Кыргызстандын мамлекеттик жана муниципалдык кызматкерлеринен Японияга билим алууга 19 магистратурага, 1 докторантурага жөнөп жатат. Жалпысынан 2006-жылдан бери ишке ашырылып жаткан бул программа аркылуу 327 стипендиат Япониядан билим алып келген.
