Кыргызстан 6 өлкө менен карызды төлөө убактысын узартуу тууралуу макулдашты. Бул тууралуу, Жогорку Кеңештин жыйынында өкмөт башчынын милдетин аткаруучу, биринчи вице-премьер-министр Артем Новиков айтты.
Анын айтымына караганда, Кыргызстан Кытайга карыз төлөө убактысын 4 жылга узартууну сунуштаган.
Белгилей кетсек, Кыргызстан жыл башынан бери чет элдик донорлордон 343 миллион доллар каражат алган. Анын 8 миллиард сому айлык акыга, 4,5 миллиард сому пенсияга, 2 миллиард сому жөлөк пулга, 3,9 миллиард сому жергиликтүү өзүн-өзү башкаруу органдарына, 2,6 миллиард сому экономиканы колдоого, 3,1 миллиард сом коронавирус менен күрөшүүгө бөлүнгөн.