Сербияда өтүүчү күрөш боюнча U23 Дүйнө чемпионатына Кыргызстандын атынан катыша турган кыз-келиндер курама командасы белгилүү болду. Бул тууралуу Дене тарбия жана спорт мамлекеттик агенттигинен билдиришти.
Ага ылайык, курама командада 6 спортчу кыз бар.
— Арууке Кадырбек кызы — 55 кг
— Сезим Жуманазарова — 59 кг
— Дилназ Сазанова — 65 кг
— Гүлнура Таштанбекова — 68 кг
— Нурзат Нуртаева — 72 кг
— Кайыркүл Шаршебаева — 76 кг
Курама командасынын башкы машыктыруучусу — Нурбек Изабеков, ал эми улук машыктыруучусу — Нурдин Донбаев.
Белгилей кетсек, U23 Дүйнө чемпионаты 20-27-октябрь аралыгында Сербиянын Нови-Сад шаарында өтөт.
