Бишкекте документтери жок кыз-келиндерди окутуп жаткан медресе аныкталды. Бул тууралуу Бишкек ШИИБ кабарлады.
28-30-май күндөрү шаар аймагында «Экстремист» аталышындагы рейд жүргөн. Анын алкагында мурда козголгон кылмыш ишине катышы бар «Йакын-Инкар» уюмунун мүчөлөрүнө түшүндүрүү иштери жүргүзүлгөн.
Тиешелүү уруксат документтери жок 170ке жакын кыздар жана аялдар билим алып жаткан медресе аныкталды. Милиция кызматкерлери тарабынан түшүндүрүү иштери жүргүзүлүп, медресеге 20 миң сом айып салынган.
Аталган окуу жайдын зарыл документтерди алганга чейин иши токтотулду.
