«Бишкекжарык» муниципалдык ишканасы шаардыктар үчүн ыңгайлуу жана коопсуз шарттарды түзүү максатында шаар көчөлөрүн жарыктандырууну улантууда. Бул тууралуу мэриядан билдирди.
Маалыматка ылайык, Жогорку Жал кичи районунда №95 мектеп гимназиясы жайгашкан Безымянная көчөсү жарыктандырылды.
Долбоордун алкагында 26 темир тирөөч жана ар бири 100 Вт кубаттуу чырактар орнотулду. Тармактын ишенимдүү иштеши үчүн 500 метрден ашык өзүн-өзү колдогон изоляцияланган зым (СИП) тартылды.
Ошондой эле магистралдык көчө да жарыктандырылып, ага 23 жарык орнотулган жана туташтыруу үчүн 550 метр өзүн – өзү колдогон изоляцияланган зым (СИП) тартылган.
Белгилей кетсек, Бишкек шаарынын мэри Айбек Джунушалиевдин тапшырмасына ылайык, «Бишкекжарык» муниципалдык ишканасы жума сайын кеминде 1 көчөнү жарыктандырууну пландаштырган.
