Бишкекте өтүп жаткан күрөш боюнча Азиянын лицензиялык турнирин Мээрим Жуманазарова жеңиш менен баштады. Ал 68 килограммга чейинки салмак категориясында күч сынашууда.
Жуманазарова биринчи беттешинде казакстандык Елена Шалыгина менен беттешип, аны жеңип алды.
Жуманазарова Шалыгинадан кийин индиялык спортчуну дагы далысын жерге тийгизип утту. Кийинки айлампада түндүк кореялык балбан менен күч сынашат.
Эскерте кетсек, Мээрим Жуманазарова мурдагы жылдын 11-апрелинде Азия чемпиондугунда коло медаль үчүн күрөшүп, беттеште мурдунан жаракат алып, четтетилип калган.
