19-сентябрда өлкө боюнча жалпы республикалык ишембилик өтөт. Бул тууралуу Жаратылыш ресурстары, экология жана техникалык көзөмөл министрлиги билдирди.
Министрлик жарандарды, ишкерлерди, мамлекеттик жана муниципалдык органдардын кызматкерлерин, коомдук уюмдарды, жаштарды жана бардык кайдыгер эмес жарандарды ишембиликке активдүү катышууга чакырды.
«Ишембиликке катышуу менен ар бирибиз өзүбүз жашаган аймактын тазалыгына жана көрктөндүрүлүшүнө салым кошуп, жаратылышка аяр мамиле кылуунун үлгүсүн көрсөтө алабыз. Тазалык — бир күндүк иш эмес. Ал күнүмдүк маданият жана жалпы жоопкерчилик», — деп айтылат маалыматта.
