Манас шаарына 30 миң көрүүчүгө ылайыкташкан стадион курулат. Бул тууралуу УКМКнын төрагасы Камчыбек Ташиев иш сапарынын алкагында билдирди.
Анын айтымында, стадион аэропорттун ордуна курулат.
«Аэропорттун орду 80 гектар. Ал жерге жаңы типтеги чоң шаар курулат. Манас шаарына 30 миң орундуу республикадагы экинчи чоң стадион курулат. Азыр Бишкекте 55 миң орундуу стадион курулуп жатпайбы? Ошонун 30 миң орундуусу Манас шаарына курулат», — дейт өз сөзүндө Ташиев.
Сөз соңунда УКМКнын төрагасы стадиондун курулуш иштери 2026-жылы баштала турганын белгиледи.
