2025-жылдын январь–сентябрь айларында Кепилдик фонду аялдардын бизнесин колдоо үчүн 440 кепилдик берген. Бул тууралуу аталган фонд билдирди.
Маалым болгондой, жогорудагы сандар берилген кепилдиктердин 40%ын түзүп, жалпы суммасы 369 млн сомдон ашты. Кепилдиктин аркасында аял ишкерлер 1.5 млрд сомдон көп насыя каражатын ала алышты.
Кепилдиктер негизинен айыл чарба, соода жана транспорт сыяктуу тармактарга багытталган. Ал эми көлөм жагынан туризм тармагы эң алдыңкы орунда болду — 90 млн сомдон ашык суммага кепилдик берилген.
