Мамлекеттик салык кызматы менен коммерциялык банктардын өкүлдөрүнүн жолугуп, салыктарды QR-код жана төлөм коду аркылуу төлөөгө өтүү маселесин талкуулады.
Жолугушууга салык кызматынын төрагасынын орун басары Мирлан Рахманов катышты. Мекемеден маалымдагандай, жолугушуунун негизги темасы 2025-жылдын 1-июлунан тартып, банктардын кассалары аркылуу салыктарды, салык органдары тарабынан башкарылган салыктык эмес төлөмдөрдү жана камсыздандыруу төгүмдөрүн төлөөнү QR-код аркылуу жүргүзүү механизмине өтүү болду.
Белгилей кетсек, аталган жаңы өзгөрүүлөр салыктарды төлөө жана бюджетке каражаттарды онлайн режиминдеги процессин жөнөкөйлөтүү, ошондой эле, салык төлөөчүлөр үчүн ыңгайлуу шарттарды түзүү максатында киргизилүүдө.
