Кыргызстанда 2025-жылы 9 ай ичинде эт өндүрүү – 103, сүт – 102,7, жумуртка – 106,4 пайызга көбөйдү. Бул тууралуу Айыл чарба министрлигинин басма сөз кызматынан билдиришти.
Маалыматка ылайык, азык-түлүк коопсуздугу боюнча республиканын калкы негизги 9 тамак-аш азыктардын 6 түрү менен толук камсыздалды, калган 3 түрү боюнча камсыздоо иштери жүрүп жатат.
Негизги азыктардан тышкары, Кыргызстанда цитрус өсүмдүктөрү –мандарин, апельсин, лимон, кумкуват өстүрүлө баштады.
Эгерде 2023-жылы 801 гектардан 3 929 тонна өндүрүлсө, 2024-жылы 1 058 гектардан 4 839 тонна өндүрүлдү. Цитрустарды өндүрүү жылдан-жылга өсүүдө.
