Кыргызстандын ички дүң продукциясы 1 триллион сомдон ашты. Маалымат Экономика жана коммерция министрлигинин расмий сайтындагы атайын эсептегичте көрсөтүлгөн.
Ага ылайык, ИДП 1 триллион 15,2 миллиард сомду түзүп, өсүп жатат.
Эскерте кетсек, 23-ноябрда Жогорку Кеңештин жыйынында министрлер кабинетинин башчысы Акылбек Жапаров ИДП өлкөнүн эгемендүүлүк тарыхында, биринчи жолу 1 триллион сомдун чегинен өтөөрүн айткан.
“2023-жылы калктын жан башына ИДПнын көлөмү 1900 долларды түздү. Былтыр 1665 доллар болчу, салыштырганда акыркы 3 жылда 669 долларга өстү. Ошол эле 2010-2020-жылдарды алсак, 10 жыл аралыгында алсак өсүү 311 долларды түзгөн”, — деген Акылбек Жапаров.
