Биздин өлкө эгемендикке жеткенден бери Кыргызстандын мамлекеттик карызы кызуу талкууланып, тыкыр байкоого алынып келген.
Мамлекеттик карыз деген эмне жана ал эмне үчүн алынат? Келгиле, чогуу талдап көрөлү:
Мамлекеттик карыз — бул мамлекеттин ички жана тышкы кредиторлордон үстөк пайыз менен карызга алган акчасы. Бул каражаттар казынанын тартыштыгын жабууга жана ири долбоорлорду каржылоого жардам берет. Карыздын өлчөмү улуттук валюта же ИДПга карата пайыз менен көрсөтүлөт.
Мамлекеттик карыз — бул курал. Эгер акыл менен пайдаланылса, өлкөнү курууга жана өнүктүрүүгө көмөктөшөт. Бирок, карыз натыйжасыз жумшалса, экономика үчүн оор жүк болуп калат.
