Кыргыз Республикасынын эркин күрөшү боюнча өспүрүмдөр (U-17) курама командасы мүчөсү Өмүрбек Асан уулу Иорданиянын Амман шаарында өтүп жаткан Дүйнө чемпионатынын алтын медалына ээ болду.
Балбан 60 кг чейинки салмак категориясында катышууда. Алгач 1/8 финалдык беттеште япониянын балбаны Итсуки Йонаширону 6:4 эсебинде утту.
Чейрек финалдык беттеште украинанын балбаны Иван Залискону 11:0 эсебинде жеңип, жарым финалга чыкты.
Жарым финалдык беттеште америкалык Джордин П. Раней 12:6 эсебинде утуп, финалга жолдомо алды.
Алтын медаль үчүн беттеште азербайжандын балбаны Хусейн Исмаиловду 5:1 эсебинде жеңип, өз салмагында Дүйнө чемпиону болду.
