2-ноябрда Чүй облусунун Аламүдүн райондук соту 31 жаштагы Мадумаров Нурмухаммед Адахановичти бир жылдык мөөнөткө транспорт каражатын башкаруу укугунан ажыратты.
Маалыматка ылайык, ал мас абалында унаа башкарып, жол эрежесин бузган.
Аламүдүн райондук жол кайгуул кызматынын инспекторлору тарабынан Нурмухаммед Мадумаровго карата протокол түзүлүп, анда ал 29-октябрда мас абалында «Форд Фьюжн» үлгүсүндөгү унааны айдап бара жаткандыгы жазылган.
Жыйынтыгында ал Кылмыш-жаза кодексинин «Айдоочунун транспорт каражатын алкоголдук, баңги каражаттарын, психотроптук жана башка мас кылуучу заттарды мас абалында башкаруусу» беренеси боюнча күнөөлүү деп табылды.
Нурмухаммед Мадумаров өзү да күнөөсүн мойнуна алып, сотто кылган ишине өкүнгөн.
