ИИМдин 7 приоритеттүү багыттарынын бири болгон калкка сапаттуу тейлөө көрсөтүү максатында Майлуу-Суу шаардык мэрия тарабынан коомдук кабыл алуу борборун ачуу үчүн атайын 3 бөлмөлүү имарат ажыратылып, бүгүнкү күндө капиталдык ремонттон өткөрүлүп пайдаланууга берилди.
Аталган имарат шаардык мэриянын алдында жайгашып коомдук кабыл алуу борбору деп ачылып, аксакалдар соту, аялдар кеӊеши, жаштар коминтеттерине кабинеттер бөлүнүп берилип толук кандуу ишке киришип иштей баштады. Ошондой эле милициянын аймактык ыйгарымдуу өкүлдөрү жана жашы жете электеридин иштери боюнча инспекциясынын аймактык тескөөчүлөрүнө да кызматтык кабинеттер бөлүнүп берилди.
