Жумгалда мал уурулук фактылары боюнча шектүүлөрдү кармашты. Бул милициянын басма сөз кызматы билдирет.
Маалыматка ылайык, бүгүн Жумгал районунун Түгөл-Сай айылынын тургуну 1990-жылы туулган Т.Э. милициясга кайрылып, 22-23-июлга караган түнү короосунан 6 баш кой жок болуп жатканын билдирген.
Аталган факт Жумгал РИИБнүн кылмыштардын жана жоруктардын бирдиктүү реестрине КР Жазык кодексинин 200-беренеси (“Уурдоо”) менен катталып, сотко чейинки өндүрүш башталган.
Иликтөө иштеринин жүрүшүндө кылмышка шектүү катары Жумгал районунун тургундары 2000-жылы туулган А.А, 1999-жылы туулган С.У, 2001-жылы туулган Ж.К.лар кармалып, толугу менен күнөөлөрүн мойнуна алышкан.
Белгилей кетсек, шектүүлөр мындан башка дагы мал уурулук фактыларына катыштыгы бар экендиги аныкталган.
Учурда тергөө иштери уланууда.
