Мамлекеттик бажы кызматынын кызматкерлери товарларды жалган декларациялоо фактысын аныкташты. Бул тууралуу аталган мекемеден билдирди.
Мамлекеттик бажы кызматынын кызматкерлери көчмө бажы текшерүүсүн жүргүзүүдө жеке ишкер “Т.А.Т.” үчүнчү өлкөлөрдөн Кыргыз Республикасына ташып кирген товарларды жалган декларациялоо катары каралган бажылык укук бузуу фактысын аныкташты.
Жүргүзүлгөн иш-чаралардын натыйжасында тиешелүү бажы төлөмдөрүнүн болжолдуу суммасы 22 миллион сомдун тегерегин түзөт.
Бул факт КЖБРдин маалыматты эсепке алуу журналында катталган. Чогултулган материалдар тергөөгө караштуулугу боюнча өткөрүлүп берилди.
