Президент Садыр Жапаров мамлекеттик тилди билүүгө талаптарды күчөткөн мыйзамдарга кол койду.
Аталган мыйзам долбоору мамлекеттик тилди колдонуу чөйрөсүн жөнгө салган айрым мыйзамдарды «Кыргыз Республикасынын мамлекеттик тили жөнүндө» конституциялык мыйзамга шайкеш келтирүү максатында иштелип чыккан.
Анда депутаттыкка талапкерлер, прокурорлор, өкмөт мүчөлөрү, маморган жетекчилери, соттор, Улуттук банктын кызматкерлери минкаб аныктаган деңгээлде кыргыз тилин билүүгө милдеттүү. Бала бакчаларда, мектептерде, ЖОЖдордо кыргыз тили окутуунун жана тарбиялоонун негизги тили болушу керек.
Расмий маалыматтар алгач мамлекеттик тилде, андан кийин расмий тилде жазылышы кажет.
