Марат менен Жаныш Бакиевдердин конфискацияланган үйлөрү ар кайсы мамлекеттик органдарга өткөрүлүп берилген. Бул тууралуу бүгүн, 10-декабрда Мамлеккеттик мүлктү башкаруу фондунун жетекчиси Мирлан Бакиров брифингде билдирди.
Ал кылмыш иштеринин алкагында турак-жайлары конфискациялангандардын айрымдарын тизмектеп, Мамлеккеттик мүлктү башкаруу фондунун балансына Елисеевдин, Кимдин, Үсөновдун жана Жаныш, Марат Бакиевдердин кыймылсыз мүлктөрү бюджетке келтирилген зыяндын ордун толтуруунун алкагында өткөрүлгөн.
2018-жылы Марат Бакиевдин Жибек Жолу проспектиси, 519 дарегинде жайгашкан турак-жайы мамлекеттин мүлкүнө өткөн. Ал эми 2019-жылы обьект Эмгек жана социалдык өнүктүрүү министрлигинин карамагына өткөн.
Жаныш Бакиевдин Кудайбергенов көчөсү, 23 дарегиндеги үйү Интеллектуалдык менчик жана инновациялар кызматынын менчигине өттү. Мамлеккеттик мүлктү башкаруу фондунун маалыматына ылайык, бүгүнкү күндө имаратта жакында эле түзүлгөн «Шумкар» ААКсы жайгашкан.
