Кечээ,12-октябрда Президент Садыр Жапаров Министрлер кабинетинин 2021-жылдын 4-апрелинде түзүлгөн алгачкы курамын таратып, жаңы курамын бекетти. Ага ылайык, Министрлер кабинетинин башчысы Улукбек Марипов кызматтан кетти.
Марипов ишин тапшырып жатып, элге кайрылуу жасап, элге, Президентке, жана жалпы депутаттарга ыраазычылык билдирди.
«Жалпысынан толук 250 күн иштептирбиз, негизги максатыбыз таза иштөө, элге күн-түн дебей кызмат кылуу эле, максатыбызга жеттик -деп ойлойм. Биздин негизги принцип таза иштөө эле, «Таза иштөөнү мурас катары калтырдык» -деп терең ишенем! Албетте, ишибиздин кандай болгонуна бааны элибиз берет. Учурдан пайдаланып, бирге иштешкен командага, администрация, министрлик, жер-жерлердеги ар бир мамлекеттик кызматкерлерге терең ыраазычылык билдирем! Биздин жумуштун алдыга жылуусуна ар бириңиздедин салымыңыздар болду!«-дейт мурдагы Министрлер кабинетинин мурдагы төрагасы Улукбек Марипов.