Жогорку Кеңештин депутаты Марлен Маматалиев кезектеги жыйында, КР кылмыш жана жоруктар беренесине өзгөртүү киргизүүнү сунуштады.
“Келиңиздер, баарыбыз биргеликте ушул маселеге чекит коёлу. Мындан аары “алып качуу” деген нерсени жоёлу. Жазык кодексинин 175-беренесинде жазылып турат, “Үйлөнүү максатында ала качкандарга, үчүнчү категория боюнча 2 жылдан 5 жылга чейин эркинен ажыратылат” -деп. Ушуну жокко чыгаралы! Үйлөнүү максатында ала качуу деген болбосун, бул адам уурдоо. Аларга 2,3 жыл эмес, 10 жылдан 15 жылга чейин берели”-деди эл өкүлү Маматалиев.
Ошону менен бирге, жоопкерчиликтүү адамдарды бүгүн жумуштан да алалы, деген сунушун кошумчалады.
КРнын Жазык кодексинин 154-155-беренесине ылайык кыз ала качкандарды он жылга чейин эркинен ажыратуу жана 180 000, 220 000 сом айып пул каралган.
