Учурда үй-бүлөм менен ипотекалык үйдө жашайбыз. Бул тууралуу Бишкек мэри Айбек Жунушалиев “Кабар подкастта” билдирди.
Ал буга чейин Кант шаарынан борбор калаага барып-келип иштегенин айтып, ипотекалык үй берилгенде борбор калаага көчүп келгенин кошумчалады.
“Мэр болгонго чейин министрлер кабинетинин төрагасынын биринчи орун басары кызматын аркалап турганда Канттан барып-келип иштечүмүн. Мэр болгондон кийин да жарым жылдай Канттан келип жүрдүм. Бир жолу мындай окуя болду, жетекчилик чакырганда бир аз кечигип калгам. Канттан келеримди айтканда мага Бишкектен кызматтык үй берилген. Азыр ал үйгө ипотекалык негизде каражат төлөп келебиз. Ал эми Канттагы үйдү жашабагандан кийин сатканмын. Шаарга эле толук кандуу көчүп келгенбиз”, — деди мэр.
