Бишкек шаардык мэриясына караган шаардык транспорт башкармалыгы 203-номердеги маршруттук таксинин айдоочусун сүйлөшүү иштерине чакырды. Бул тууралуу маалыматты мэриянын басма сөз кызматы билдирди.
Маалыматка ылайык, айдоочуга карата чаралар көрүлөт.
Эске сала кетсек, социалдык тармактарга баласы менен маршруткага кирүүгө аракет кылган аялды жулкулдатып түрткөн айдоочунун видеосу тараган. Видео тез убакыттын ичинде жайылып, окурмандардын нааразылыгын жараткан.
Видео: Айдоочу эне-баланы ыйлатып, маршруткага түшүрбөй түрткүлөп салды
