Бүгүн, 12-декабрь кыргызды дүйнө элине тааныткан, атагы ааламга жеткен Чыңгыз Айтматовдун туулган күнү. Калемгер 1928-жылы 12-декабрда Талас облусуна караштуу Кара-Буура районундагы Шекер айылында туулган.
Залкар жазуучунун учкул сөздөрү:
- Адамдын башкаларга кылар эң чоң жакшылыгы — үйүнөн адам болор балдарды тарбиялап өстүрүү.
- Адамга эң кыйыны — күн сайын адам болуу.
- Сени тааныгандар жашап жатканда сен тирүүсүң.
- Өмүрдүн чыныгы баркы ишенимде, бактысы да ишенимде.
- Сүйүүдөн аалам жаралган, сүйүүнүн өзү түбөлүк.
- Миңдеген адамдын арасында сен жалгызсың, жалгыз өзүң калганда да жалгызсың…
- Өткөндү эстеп, келечекти күтө билгендигибиз үчүн биз барбыз.
- Эң ириде өзүңдүн киндик кан тамган жериң тууралуу ойлонгондо, жалпы дүйнө тууралуу акыл калчайсың.
- Эгер Ата-Журт деген баштыктай сүйрөп, өзүң менен алып жүрөр нерсе болсо, анын баасы сокур тыйынга татыбас эле.
- «Дос кыйынчылыкта билинет» дешет. Менин оюмча, бактылуу кезиңде да билинет.
- Тил — улуттун кубанса кубанычы, кайгырса кайгысы жана акыл-эси. Тилсиз улут болбойт.
- Биз дүйнөнү өзгөрттүк, дүйнө бизди өзгөрттү.
Чыңгыз Айтматовдун 95 жылдык мааракеси белгиленип жатат.
