Мурдагы Миң-Куш «Оргтехника» заводу-азыркы «Оргтехника» ААКтын балансында турган кыймылсыз мүлктөр жана товардык — материалдык баалуулуктар мамлекеттин балансына кайтарылды. Бул тууралуу УКМК билдирди.
Кайра кайтарылган кыймылсыз мүлктүн жалпы аянты 11 гектарды түзөт. Аянты 4,3 га болгон инструменттер цехинде 20га жакын станок бар.
Миң-Куш «Оргтехника» заводу 1970-1971-жылдары Нарын облусунун аймагындагы биринчи ири өнөр жай ишканасы катары түзүлгөн жана эл керектөөчү товарларды: ручка, түстүү фломастерлерди чыгаруучу ири ишкана болгон.
Мамлекеттик «Оргтехника» заводу 1994-жылы Эл аралык өнүктүрүү уюмунун программасына киргизүү аркылуу 1995-жылы ачык акционердик коом (ААК) болуп кайра түзүлгөн.
“Оргтехника» ААКнын жер тилкелери жана кыймылсыз мүлктөрү Жумгал райондук мамлекеттик администрациясынын балансына тиешелүү кабыл алуу-өткөрүп берүү Актысына ылайык өткөрүлүп берилди.
