Көлдө 2 баласын таштап, кайтып келбеген ата-энеге издөө жарыяланды. Бул тууралуу Ысык-Көл облустук ички иштер башкармалыгынын басма сөз кызматы билдирди.
Маалыматка ылайык, Ысык-Көл райондук милициясына 59 жаштагы аял кайрылып, 17-июлда болжол менен 21:00 чамасында 25-30 жаштардагы жашы жете элек эки баласы бар белгисиз аял Бостери айылындагы жеке сектордо бир бөлмөнү ижарага алганын билдирген.
18-июлда болжол менен саат 9:30дарда балдардын апасы жеке сектордун кожоюнуна балдарын карап туруусун суранып, өзү белгисиз тарапка кетип, кайра келген эмес.
Балдардын айтымында, алардын улуусунун аты «Алинур», кичүүсүнүн аты «Акылбек», бири 4, экинчиси 2 жашта. Атасынын аты «Жолдош», апасынын аты «Перизет». Бирок жашаган дарегин так билишпейт.
Алинурдин кийими: боз футболка, көк шорты жана сланцы.
Акылбектин кийими: ачык-кок түстөгү футболка, көк шорты жана сланцы.
«Жашы жете элек балдардын ата-энелери же туугандары жөнүндө билгендер болсо, төмөнкү телефондорго кайрылыңыздар: 0505250545, 0502112131, 0709060962, 0394345202 же Ысык-Көл РИИБнин 102 кыска номерине кайрылып билдирип коюңуздарды суранабыз”,-деп айтылат маалыматта.
