Министр Эркин Чечейбаев Парижде өткөн кыргыз-француз форумунда сүйлөп жатып, санариптик саламаттык сактоону өнүктүрүү — өлкөнүн негизги багыттарынын бири экенин белгиледи.
Ал SanaripMED системасын, санариптик ФАПтарды жана tunduk.kg порталы аркылуу кызматтарды колдонуу сыяктуу чечимдер мисалында санариптик трансформациянын жүрүшүн айтып өттү.
Ошондой эле жасалма интеллект, телемедицина жана бирдиктүү маалымат системалары аркылуу медициналык кызматтардын жеткиликтүүлүгүн жана сапатын жогорулатуу максаттары белгиленди. Франция менен бул тармактарда кызматташуу үчүн чоң мүмкүнчүлүктөр бар экенин да баса белгиледи.
