Бириккен Араб Эмираттарынын Министрлер Кабинетинин иштери боюнча министри Мохаммед Абдулла Аль Гергави Кыргызстан менен Бириккен Араб Эмираттарынын ортосундагы достукту жана кызматташтыкты чыңдоого кошкон зор салымы жана Кыргызстанда “Өкмөттүк акселераторлор” программасын ийгиликтүү ишке ашыргандыгы үчүн “Достук” ордени менен сыйланды. Тиешелүү Жарлыкка президент Садыр Жапаров кол койду.
Министрлер кабинетинин төрагасы Адылбек Касымалиев президент Садыр Жапаровдун атынан БАЭнин Министрлер кабинетинин иштери боюнча министри Мохаммед Абдулла Аль Гергавиге “Достук” орденин Дубай шаарында өтүп жаткан Дүйнөлүк өкмөттөр саммитинин (World Governments Summit) алкагында тапшырды.
