Кыргыздын чыгаан жазмачы акыны, ойчулу, философу жана агартуучу Молдо Нияздын 200 жылдык мааракесине карата анын китептери түрк тилинде да басылып жатат. Бул тууралуу ТҮРКСОЙдун башкы катчысы Султан Раев билдирди.
Анын айтымында, акындын мааракеси Кыргызстандын турмушунда чоң окуя болушу керек. Бир гана Кыргызстанда эмес, Түрк дүйнөсүнө дагы таанытуу максатында анын китептери түрк тилинде даярдалып, жакынкы убакытта чыгып калат. Китептин ачылышы ТҮРКСОЙдун штаб квартирасында, Түркиянын белгилүү университеттердин базасында өткөрүү пландалууда.
Мындан тышкары, Өзбекстанда, Казакстанда, Азербайжанда өткөрүү маселеси каралып, Молдо Ниязды мындан ары дагы кененирээк таанытууга аракеттер жасалууда.
