7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Март 2024
Пн Вт Ср Чт Пт Сб Вс
 123
45678910
11121314151617
18192021222324
25262728293031
  • social_icon
  • social_icon
  • social_icon
  • social_icon

Муфтият: Коомубузга мекен үчүн күйгөн, билимдүү муунду тарбиялап чыгалы

457

Кыргызстан мусулмандарынын Азирети Муфтийинин милдетин аткаруучу Жоробай ажы Шергазыев кыргызстандыктарды Орозо айт майрамы менен куттуктады.

«Ассалааму алайкум ва рохматулоохи ва барокаатуху!
Урматтуу мекендештер, кымбаттуу аталар, апалар, ага-ини, эже-карындаштар!
Сиздерди Орозо айт майрамы менен чын дилимден куттуктайм!
Жараткан Алла Таалам ыйык Рамазан айында туткан орозобузду, жакшы тилектерибизди, соопчулук иштерибизди кабыл кылсын. Билип-билбей кетирген кемчиликтерибизди, күнөөлөрүбүздү кечирсин.

Пайгамбарыбыздын хадисинде: «Бул ай улуу берекелүү ай. Бул айда кадырлуу бир түн бар, ал түн миң айдан жакшыраак, Алла Таала бул айдын орозосун парз кылды. Түндө намаз (таравих) окууну нафил ибадат кылды. Ким бир жакшылык (нафил ибадат) менен Кудайга жакын болсо, орозодон башка күндөрү парзды аткаргандай сооп алат. Ал эми бир парзды аткарса, орозодон башка күндөрдө 70 парзды аткаргандап сооп алат»,- деп айтылган.

Кадырман мекендештер! Рамазан айында жасаган сооп иштериңиздерди Жараткан Алла Таалам эселеп кайтарсын. Элибиз буга чейин пандемияда, жакында болуп өткөн чек арадагы Баткен окуясында бир муштумдай биригип жабыр тарткан бир туугандарыбызга жардам колун сунуп, кайрымдуулуктун эң мыкты үлгүсүн көрсөттү.

Ушул калыбыбыздан жазбай элибизге, мамлекетибизге, динибизге кызмат кылып, кыргыз элине мүнөздүү мыкты сапаттарыбызды көрсөтүп, дүйнө эли бизге суктанган, үлгү алган деңгээлге жетели. Ага биздин ыйманыбыз, маданиятыбыз, эркибиз жол берет. Элибиздин биримдигин дагы да арттырууда ыйманыбызды, ынтымагыбызды бекемдейли, сүйүктүү өлкөбүздүн жаркын келечегине ар бирибиз салым кошолу. Коомубузга адептүү, мекен үчүн күйгөн, билимдүү, илимдүү, акыл эстүү муунду тарбиялап чыгалы.

Урматтуу мекендештер! Өлкөбүздө коронавирус илдети жайылып жаткандан улам жарандарыбыздын саламаттыгын, коопсуздугун эске алуу менен айт намазын мечиттерде санитардык талаптарды так сактоо менен окудук. Ар бир адамдын жаны аманат дегендей мындай көрүнүштү мекендештерибиз туура түшүнүү менен кабыл алат деген ойдомун.

Рамазан айында ар бир үй-бүлөгө ырыскы, бакубат жашоо, мекенибизде тынчтык, ынтымак, биримдик жана молчулук, токчулук болсун», — деп айтылат куттуктоо сөзүндө.

Добавить комментарий

Ваш адрес email не будет опубликован. Обязательные поля помечены *

458